Das isch d Jubla Güffersch-Tentlinge

Üsi Schar

D Jubla Güffersch-Tentlinge bestiht usera ganz zämegwürfeletti Truppela vo unterschidlichste Lüt. Bi üs fünnt a Jeda, a Jedi u as Jedes as Plätzli. Momentan bestanemer us 106 Chinn u rund 50 Leitende. Währenddem Jahr träffesech di Glichautrige bi coole Gruppestunne. Je nach Klass u Interässe würd bastlet, Spiileni gspüut, Sport gmacht, gchochet u no ganz vüu meh. Alli zäme gseh sich näi aube a spannende Scharaläss, womer zum Bispüu Spüuturnier mache. Z absoluta Highlight isch schlussendlech jedes Jahr z 10-tägiga Zäutlager im Summer. Wir erläbe unvergässlichi Momente am Lagerfüür, binera Wasserschlacht oder gmüetlech im Zäut.